book

கவிஞர் கண்ணதாசன் கீதையை ஆழ்ந்து படித்தவர். கீதைக்கு எளிய முறையில் அருமையான விளக்கமும் எழுதியிருக்கிறார். பொதுவாகவே, கண்ணனிடம் அவருக்கு மிகுந்த ஈடுபாடு உண்டு. அதனாலேயே தன்னுடைய இயற்பெயரைக் கண்ணதாசன் என்று மாற்றி வைத்துக் கொண்டார். அவர் எழுதியுள்ள கிருஷ்ணகானப் பாடல்கள் இசை அமைப்புக்காக எழுதப்பட்ட பாடல்களாகும். பாடியவர்கள் அனைவரும் பக்திப் பாவத்தோடு அந்தப் பாடலைப் பாடி இருக்கிறார்கள். இசை அமைத்த மெல்லிசை மன்னர் எம். எஸ். விஸ்வனாதன், மிகச் சிறப்பாக திரும்பத்திரும்பக் கேட்கும் வகையில் இசை அமைத்திருக்கிறார். அதனால் பட்டி தொட்டியெங்கும் பாமர மக்களும் கிருஷ்ணகாணத்தைக் கேட்டுப் பரவசம் அடைகிறார்கள்.