book

தான் வாழ்ந்த காலத்தோடு முடிந்துவிடாத கவிஞனாக விளங்கிய பாரதியின் குரலும் மொழியும் இன்றும் புதுமையும் புரட்சியும் உடையவனாகவே விளங்குகின்றன. அளப்பரிய பரிமாணங்களை உடைய அவனது ஆளுமையின் சில பகுதிகளை இந்நூலின் கட்டுரைகள் வடித்திருக்கின்றன. அவன் உணர்வற்ற சூழ்நிலையில் உண்டான நெருப்பு; எல்லா நதிகளும் வற்றிக் காய்ந்த நிலையில் நிலத்தின் அடியிலிருந்து கட்டுப்படுத்தப்படாமல் பீறி வெளிப்பட்ட நீர்; நான்கெல்லை கற்பித்துக் கூறமுடியாத அகன்ற விண்வெளி; எல்லா இடங்களிலும் எளிதாகப் பரவிச் செல்லும் வளி; யாரும் காலூன்றி நிற்கவும், நடக்கவும், கிடக்கவுமான நிலம் என்பதனை இந்நூல்வழி உணரலாம்.