book

டாக்டர் பொன். கோதண்டராமன் அவர்கள் தமிழ் இலக்கியம், இலக்கணம், தமிழக வரலாறு, மொழியியல், அறிவியல் வரலாறு முதலான துறைகளில் சிறப்பான பயிற்சியும் திறமையும் வாய்க்கப் பெற்றவர்.
இவர் தமிழ் இலக்கணம், தமிழ் மொழி அமைப்பியல், தமிழ் இலக்கியம், தமிழ்ப் பண்பாட்டு இயல், திராவிட மொழி ஒப்பியல், வங்கமொழி. அமைப்பியல், இக்காலத் தெலுங்கு மொழி அமைப்பியல், தமிழ் ஜப்பானிய மொழி உறவு முதலான களங்களில் நிரம்ப ஆய்வு நிகழ்த்திப் பல ஆய்வுக் கட்டுரைகளையும் ஆய்வு நூல்களையும் உருவாக்கியவர்.
தமிழ் இயலில் இலக்கியம், இலக்கணம், நாட்டுப்புறவியல், இலக்கிய ஒப்பியல், யாப்பியல், இதழியல், மொழி பெயர்ப்பியல், மொழி வரலாற்று இயல், மொழி மேம்பாட்டு இயல் முதலான பல்வேறு களங்களில் முப்பதுக்கும் மேற்பட்ட முனைவர் பட்டதாரிகளையும் நூற்றுக்கு மேற்பட்ட ஆய்வியல் நிறைஞர் பட்டதாரிகளையும் இவர் உருவாக்கி இருக்கிறார். அண்ணாமலைப் பல்கலைக் கழகத்திலும், லண்டன் பல்கலைக் கழகத்திலும் பணியாற்றிய இவர் அமெரிக்கப் பல்கலைக் கழகங்களோடும், ஜப்பான், மலேசியா, சிங்கப்பூர், ஆகிய நாடுகளில் உள்ள பல்கலைக் கழகங்களோடும் நம் நாட்டுப் பல்கலைக் கழகங்களோடும் பல்வேறு நிலைகளில் தொடர்பு கொண்டவர். இவருடைய அறிவும் அனுபவமும் எல்லோருக்கும் பயன்படும் வகையில் இந்த நூல் உருவாக்கப் பட்டிருக்கிறது. ஆராய்ச்சியில் ஆர்வம் உள்ளவர்கள் நன்கு பயன்படுத்திக் கொள்ள வேண்டிய நூல் இது.